Vara Titulari ta’ San Ġwann il-Battista tax-Xewkija

Ix-Xewkija hu l-eqdem villaġġ ġewwa Għawdex u kien l-ewwel parroċċa li ġiet imwaqqfa ġewwa Għawdex wara r-Rabat fis-27 ta’ Novembru 1678.

Il-Knisja tax-Xewkija hi ddedikata lil San Ġwann il-Battista pero iktar hi magħrufa bħala r-Rotunda tax-Xewkija, fejn ġie kkonsagrata fl-1978. Il-festa tiġi ċċelebrata fl-24 ta’ Ġunju, id-data liturġika tat-twelid ta’ San Ġwann il-Battista.

Il-vara titulari hija xogħol l-iskultur Pietru Pawl Azzopardi fejn ġiet imnaqqxa fl-injam, preċiżament minn siġra tat-tut. Kien propju fit-22 ta’ Ġunju 1845 fejn il-poplu tax-Xewkija laqa’ din l-istatwa fejn inghatat merbħa mil-aqwa. Tajjeb li wieħed jgħid li din hi fost l-eqdem statwi ġewwa Għawdex, fejn infatti hi t-tieni l-eqdem vara titulari ġewwa Għawdex.